Mostraxe primavera 2022
Na saída desta mañá no río fixemos un traballo en equipo para recoller datos dos parámetros físico-químicos. Os valores están no mesmo rango que en mostraxes de pasadas edicións. Por grupos de 4/5 persoas vanse recoller nun documento detalles das árbores e fentos característicos da sección do río monitorizada,empregando imaxes que foron tomadas hoxe. Ao ser primavera podemos ver o agromo das follas e observar, como neste exemplo o nacemento das follas compostas do freixo Tomáronse imaxes das mostras de macroinvertebrados, e traballaremos os datos nas seguintes sesións na aula. Tamén vimos unha ra vermella e xuvenís de saramaganta. Obsérvase un aumento da erosión nas marxes dereita e esquerda das beiras do río pode que favorecida polas enchentes das épocas de chuvia.