Mostraxe de outono 2019

O 21 de outubro de 2019 o alumnado de PMAR acompañado dos profesores visitamos novamente o río Deique para facer a mostraxe de outono. A chuvia respetou a saída nunha semana especialmente chuviosa e poidemos tomar os datos sen mollarnos. Durante o percorrido de 500 m de río monitoreados puidemos atopar algunha que outra ra do rego (Rana iberica). Para a súa observación polo grupo de estudantes foron depositadas nunha lupa de observación de pequenos animais, e devoltas ao seu entorno instantes máis tarde.No seguinte enlace tendes unhas estupendas explicacións para recoñecer a esta especie de ra parda e, ademais, diferenciala doutras especies de ra parda peninsulares. Fixádevos que ambas ras teñen distinto tamaño, pero, en calquera caso eran moi pequenas xa que a lupa ten uns 7 cm de diámetro.
A nosa mostraxe sempre a facemos no mesmo tramo do río. Desde que o estamos visitando producíronse nese punto varias alteracións, a máis recente, na primaveira pasada, cun cambio na pedra de granito que fai de ponte sobre o curso de auga.
Pódese observar como a coloración da pedra que atravesa o río e moito máis crara que as dúas nas que apoia, que levan no lugar máis tempo e xa empezan a escurecer pola meteorización a que se ven sometidas e xa están colonizadas por carrizas.

Comentarios

Publicar un comentario

Publicacións populares deste blog

Macroinvertebrados Outono 2019

Imaxe
Imaxe 1. Varias larvas de invertebrados Imaxe II. Odonatos Imaxe III. Tricópteros con estoxo As tres imaxes superiores ensinan os macroinvertebrados que atopou o alumnado durante a saída. Na primeira destacamos a presenza de pequenos  plecópteros de corpo esvelto, que presentan dous cercos na parte final do abdome, xa que son bioindicadores dunha boa calidade das augas. Na segunda temos odonatos, nas mostraxes adoitan aparecer sempre varios exemplares de distintas familias, como por exemplo, gómfidos. Na terceira imaxe observamos os característicos estoxos que asociamos cos tricópteros, en xeral este grupo de macroinvertebrados, como os plecópteros, indican unha boa calidade das augas.
Ler máis

Mostraxe outono 2020

Imaxe
 O pasado día tres de novembro retomamos a mostraxe no río Deique. Nesta ocasión a salamántiga rabilonga deixouse ver novamente. A salamántiga rabilonga (Chiogossa lusitanica) é unha especie endémica de anfibio que se localiza no noroeste peninsular. Este é un exemplar xuvenil, ten branquias externas a ambos lados da cabeza, e un tamaño apoximado de 4 cm, según Galán alcanzan 40-45 mm antes da metamorfose ( enlace ). No noso tramo de río  apareceu  con frecuencia noutras mostraxes, non obstante, xa facía máis dun ano que non  a observabamos.
Ler máis

A auga fluíndo no lugar da mostraxe: Paisaxe sonora

Imaxe
Este outono a auga baixa con forza no punto da mostraxe grazas as chuvias previas. Nos anos 60 do século pasado o  compositor canadense Robert Murray Schafer creou o concepto de paisaxe sonora (á que  denomina "soundcape" en analoxía con "landscape"). Para describir esta paisaxe distingue varios criterios como o fondo, o sinal e a pegada sonora. O fondo , "keynote", sería algo semellante á base da paisaxe, determinados ruídos e sons constantes aos que practicamente non prestamos atención (o vento, a auga, canto de paxaros...). O sinal , "sound signal" , é o ruído, o son que destaca nese fondo, que percibimos como un primeiro plano e ao que prestamos unha atención consciente (por exemplo escoitar de súpeto o tanxer das campás) A pegada sonora , "soundmark", é un ruído ou son característico dunha comunidade, ou que ten para nós un valor afectivo (para Schafer esta pegada é o toque de brétema das sereas no porto da súa cidade nata...
Ler máis